Íþróttamaður ársins 2008 - undarlegar leikreglur!

Búið er að velja íþróttamann ársins 2008 og var það, eins og við var búist, Ólafur Stefánsson, fyrirliði íslenska handboltaliðsins sem gerði garðinn frægan í Kína.

Með fullri virðingu fyrir Ólafi og öðrum þeim atvinnumönnum sem eftst tróna í þessari keppni - gjarnan þeir sömu ár eftir ár - þá hefur sá maður gleymst sem að mínu mati átti þennan titil skilið um fram aðra.  Það er bakarinn og afreksmaðurinn Benedikt Hjartarson sem varð fyrstur Íslendinga til að vinna það mikla afrek að synda yfir Ermarsund, en margir hafa spreytt sig á því áður, án þess að takast.

Að baki slíku afreki liggur þrotlaust vinna, æfingar og undirbúningur að ekki sé talað um þá hæfileika, metnað og þrautseygju sem slíkur afreksmaður býr yfir.  Að hægt sé að velja íþróttamann ársins án þess einu sinni að nefna Benedikt er mér gjörsamlega óskiljanlegt.  Fróðlegt væri að heyra hvað liggur að baki þessari ákvörðun og hvaða skýringu íþróttafréttamenn geta gefið á þessu. 

Athugasemdir

[Þórey Dögg Jónsdóttir (IP-tala skráð) 3.1.2009 kl. 21:53]

Já ég er algerlega sammála þér, þetta hefur algerlega gleymst ! Skömm af þessu, þetta var frábært afrek hjá honum.  Ég fylgdist mjög vel með þegar hann reyndi í fyrra skiptið en var vant við látin þegar þetta tókst svo hjá honum.  En hvað um það...algerlega frábært.  Og nú ætla ég fylgjast með ykkur klífa fjall

Gangi ykkur vel.