Kominn til Austurríkis

í dag, laugardag, skíðaði ég til hádegis í Dólómítunum og keyrði svo í norðurátt, með óvissan ákvörðunarstað.  Fór gegnum Brennerskarð og framhjá Innsbruck og beygði inn í Zillertal.  Gekk um skíðabæinn Mayerhofen, í 15 stiga hita og vor í lofti.  Fann svo heimagistingu í smáþorpi, Zell am Ziller og ætla að svigskíðast hér í Zillerölpunum næstu daga.  Þetta er mjög stórt skíðasvæði, að mestu samtengt og hægt að komast í yfir 3000 metra hæð. 

Það er að verða heldur hlýtt fyrir skíðin, en maður verður bara að halda sig nógu hátt uppi!  Ég hef nú verið á ferðinni í rúman mánuð og hef fengið tvo sólarlausa daga.  Jafnvel heimamenn tala um að þetta sé óvenjulegt veðurfar, en fyrstu vikur ársins voru rysjóttar.

BR 

 

Athugasemdir

[Ár & síð, 23.2.2008 kl. 17:13]

Skemmtu þér sem allra best á öllum þínum óvissu ákvörðunarstöðum!
Matthías og Heidi

[Bragi Ragnarsson, 25.2.2008 kl. 17:35]

Gaman að heyra frá ykkur Matthísas og Heidi.  Hafið það sem allra best og kveðja til nafna.

BR