Fossavatnsgangan

Í dag var Fossavatnsgangan haldin á Ísafirði, skíðaganga sem haldin hefur verið að mestu óslitið síðan 1935 og er nú partur af World Loppet skíðagöngunni, alþjóðlegri gönguröð þar sem Vasagangan er sennilega þekktust.  Mjög vel er að þessari göngu staðið og er þetta síðasta gangan í röð skíðagöngukeppna sem haldnar eru á norðurhveli jarðar.  Margir af þekktustu göngumönnum heims taka þátt í þessari göngu og var reiknað með að u.þ.b. 10 af 20 bestu skíðagöngumönnum heims yrðu með í Fossavatnsgöngunni þetta árið.

 Því miður gat ég ekki tekið þátt þetta árið , var að stíga upp úr slæmru kvefi og hálsbólgu.  En nú seinnipartinn í dag er ég búinn að skanna fjölmiðlana í leit að fréttum af þessu frábæra alþjóðlega  íþróttamóti og hvernig það gekk - og er skemmst frá því að segja að ég hef ekki séð eða heyrt múkk um þennan atburð.  mbl.is, Stöð 2, Ríkissjónvarpið, sama hvað það er, ekki múkk um þetta.  Ég er búinn að fræðast um allskonar boltaleiki sem fram hafa farið um allan heim, fótbolta, handbolta, körfubolta, blak, tennis, bilaíþróttir, aflraunir og guð má vita hvað, en ekki er minnst einu orði á Fossavatnsgönguna á Ísafirði. 

Um allt land hefur undanfarið átt sér stað óeigingjarnt starf sjálfboðaliða sem kenna og þjálfa krakka og unglinga í skíðagöngu og er mikill áhugi og aukning í þessari grein, enda hentar þetta að mörgu leiti betur okkar rysjótta tíðarfari en alpagreinar.  Skíðagöngufélgið Ullur er gott dæmi um þá vakningu sem hefur átt sér stað.  En hvar eru fjölmiðlarnir og fréttamenn?  Það þarf að hrista duglega upp í þeim og ég skora á íþróttaféttamenn að kynna sér þessi mál og taka þátt í kynningu á þessari frábæru íþrótt. 

Athugasemdir

[Gunnar (IP-tala skráð) 4.5.2008 kl. 15:23]

Halló  Úrslitin úr Fossavatnsgöngunni er að finna á www.snjor.is  undir úrslit móta

             Kveðja að vestan

 í

[Kjartan Pétur Sigurðsson, 4.5.2008 kl. 19:39]

Sæll Bragi,

Gott að þú ert komin á lappir aftur. Ég var annars að ganga á Hvannadalshnjúk með 100 tinda manninum Þorvaldi V. Þórarinssyni (Olli) og fl.

http://www.hatindahofdinginn.is/S

Ég get ekki séð annað en að þið séuð á svipaðri línu hvað skíðagöngu varðar.

En svona til að lofa þér að skoða ferðina nánar sem hófst kl. 21 að kveldi og endaði kl. 14 næsta dag eftir 28.5 km göngu og að hafa gengið bæði á Hvannadalshnjúk og svo Sveinstind sem eru báðir yfir 2000 m í sömu ferðinni. Hér getur þú svo skoðaða GPS slóða af leiðinni sem farin var (Sandfellsleið Vatnajökull Hvannadalshnjúkur Sveinstindur):

http://www.wikiloc.com/wikiloc/view.do?id=128442

Nokkrar myndir úr ferðinni hér:

www.05.is/h2008/h2008.html

[Bragi Ragnarsson, 4.5.2008 kl. 21:19]

Sæll félagi, gott að vita af þér í góðum félagsskap.  Þetta hefur verið fín ferð hjá ykkur.  En hvernig var veður og færð? 

[Heidi Strand, 4.5.2008 kl. 21:26]

Sæll Bragi.

Þetta frétti ég í fyrsta sinn hjá þér.
 

[Kjartan Pétur Sigurðsson, 4.5.2008 kl. 22:55]

Veðrið var eins og spáin gerði ráð fyrir og var því farið á þeim tímum að fara á tindinn um nóttina svona rétt áður en rigningarspáin gengi yfir næsta dag. Færið var fínt og gaman að sjá bæði sólsetur og sólarupprás í sömu ferðinni. Við mættum hóp frá Íslenskum Fjallaleiðsögumönnum sem urðu að snúa við, en þeir lögðu af stað seinna á eftir okkur.

Eins og sjá má þá borgar sig að ferðast eftir veðrinu á Íslandi :)