Ég er enn á lífi........

 Til hamingju með daginn. 

Hef ekki bloggað í háa herrans tíð en vil láta vini og vandamenn - og bloggvini - vita að enn er lífsmark með mér.

Hef verið að vinna undanfarið og talsvert framundan af mjög skemmtilegum verkefnum, aðallega litlir hópar "small groups - great experience", bæði fyrir Ísafold og aðrar góðar ferðaskrifstofur.

Lauk 9 daga göngu- og ökuferð fyrir Elderhostel á föstudaginn og fór beint aftur austur í Skaftafell og gekk á Hvannadalshnjúk á laugardag, í frábæru veðri og með frábæru fólki, þar á meðal minni ágætu eiginkonu, mágkonu og syni.  Sjá hjálagt mynd af mér og minni ektakvinnu á toppnum. 

Á ekki von á að blogga mikið á næstunni vegna mikilla ferðalega við leiðsögnina en kannski rætist úr því með haustinu.

En ég er staðráðinn í því að fara að tilmælum forsætisráðherra í ræðu dagsins og ætla héðan í frá að breyta neyslumynstri mínu, segja upp helgarmogganum og hætta við að kaupa nýja gönguskó, þeir gömlu geta dugað eitt ár enn. 

Má til með að ljúka þessu með því að biðja fyrir sálu gömlu birnunnar sem myrt var á Skaga í kvöld, með ærnum kostnaði og nánast í beinni.

 

Athugasemdir

[Kjartan Pétur Sigurðsson, 28.6.2008 kl. 12:21]

Þakka þér fyrir síðast, sem var víst í Vík í Mýrdal. Sé að veðrið hefur verið flott á hnjúknum hjá ykkur. Ég hef svipaða sögu að segja úr ferðum fyrir Ísafold og þú getur skoðað myndir sem að ég tók í ferðinni sama dag og ég hitti ykkur.

http://www.photo.is/08/06/2/index.html

[Bragi Ragnarsson, 30.6.2008 kl. 13:44]

Flottar myndirnar hjá þér - eins og áður.  Lundinn og hefur aldeilis gefið færi á sér.  Var sjálfur að skila af mér fólki í gær eftir 9 daga hringferð + hálendið fyrir Ísafold.

Bestu kveðjur